Eshk Anchén Tropshié

Zahr tonnay bátená shiray wadhá tálán bit Eshk anchén tropshié dap áp dant, del mán bit Taw ke genday yabbaré pádénkán gón alwat kanay Sáhegán áwáz góshán damk damká trán bit Á bahil rangén tabay béhájatén ke bánok ent Á wati bechkandagay chincho hesáb dárán bit É wadhá tonnikié zémer kodit chó tráwalá Ke rabábay bátená darday soróz alhán bit Má wadháligáni chammán dráhén donyá ér rechit Á wati zolpáni nambén tábán ke prenchán bit Tai hayálay tráwalén dánag betrakant hecch nabit Bass mani lahté gazal bechkandagay gréwán bit É wadhén sohbay sará ke taw gón gwátá sar geray Bass damáná nód bandit sáheg o sáchán bit Á wati tahnáiárá bahr kant gón sáhegán Á wati hámóshiay shóray tahá alhán bit Má wati ásudagiá zolp bótkant bánokay Ásréchén némróchá kai goshán sáchán bit Tai wadhén áhug garden, áskchamm, mehlab badan Bass gwaméshán nendit Ershád gapp jant diwán bit