Kalledh o zebárán man, sotkagén dhagár án man
Charetagén báhárán man, ádróhén keshár án man
Nán pa dóstán sitt o nay pa dozhmenán táwán
Cha teláhén barchánká proshtagén sagár án man
Drigatén maná sótkén napt o béréá, dard ent
Dozhmenay dhagáráni pall o shankk o dár án man
Shap tahár o syáhén jodh, ráh mán chill o zhémb o garán
Berr o kórén ólák o pahk ná sawár án man
Chanké gallahay démá zendmáni et rahn ent
Kay gwashit mayárigay! ji mayár bár án man
Manzelá morádáni man rasán hamá róchá
Man bezánán gár ent del, del bezánt gár án man
Dóst o hambalán! mawjén háterá mathóhénet
Gol sestagesh dér ent, ché kanán bahárán man
Shér tawlagén dozzé, pák chó ladigá ent
Turag o shadámán tai pa kayá sepárán man
Marg o zenday sháhá bánok chamman béboná dur ent
Dast bandi o arzán gón kayá gozárán man
Sestagesh chamman Hánol, Hánolén dhagár meskén
Chó kapótá nálán, chón delá bedárán man!
Hars golgolá káyant mehr o dóstiay chammán
Man galán ke wáray taw, taw galay ke wárán man
Dard o mehnatán geptag bédawá o darmánén
Dardwár dokkál ent, parchéá benárán man
Sáh madróhit bézendén, sadhazári ganjé agán
Goddh cha bist o panch sálá grampoká beshárán man
Dránzay pamman béwári zahmá, ke mayárig án
Mehr o dóstiay démá gardená shahárán man
Pattaw sitt ent har diwán pamman biragén táwán
Tá kadén kanán choshén gend o gedárán man
Jwánén hambalé lóthán, pollén hamsaré lóthán
Angat gón tará táchant belle násawár án man
Ges gón gesgelán zehtag chamman sussakán jawrén
Angat kaddhen ent dóstán ke delá mayár án man
“Sar machendh o gahgirán” hál á melán sheng at
Ni nedáragá cháret pa lekem mahár án man
Chammaná beger jostá ke cha moddaté drájén,
Pir o proshtagén jotthay pollén sar mahár án man
Zehtagesh chamman golbág, angat ham mayárig án
Ke delá jagar sommbén konthagány wár án man
Pammaná dawár nabit, pammaná keshár nabit
Ke wati badén ásá sotkagén lewár án man
Hári malletag pammaná dozhmenáni shahmátán
Ke pa béwasi kacchén pir bogán patárán man
Tarr padá ke bélajján dast jatag maná, ke tai
Lajj o gayrat o nangán ke tará tawár án man
Óstay goddhi ótág ent ke angat ham gendán padá
Dráh o zendagén diwán sotkagén dawárán man
Dozhmen et zarah pósh ent taw gón dast o góshánay
Angat pa gwámé mennay “si hazár hazár án man!”
Cha watigán bé óst o cha darámádán ché gelag
Wárén zendmániay zonzorókén járán man,
Byá ke mádénén ráhán sar pa gáriá dátag
Sohrén ródaratkéay rongén ráhé chárán man
Zéd o kahchar o mitáp killagén baháént ant
Sarjanán táhápén kohdar o hasárán man
Bégami pa gamdóstén zerdá margay mestág ent
Dard o dórán sáthán o angarán samárán man
Nán pa killagé sar bán nay pa dozhmenén mallán
Trashtén bándhomán geptag kohdaráni hár án man
Zendon mán zeré sabzén bétawárén chihhálé
Nán ke wazhdelén názénk, nay ke mótk o zár án man
Jenday jámagon dertag, dast mán zanch ent brátay
Angat cha galá bál án, zántkár o sár án man
Garrá pammani námá kalladhén kolóh dátag
“Pa tai summekén réshán morgmésh kárán man
Syáhmár dajit golén dóstá besádháyán
Pa galáyagá jawrén dozhmenay kawár án man
Pa wati jagarbandá shellén kárch timmárán
Pa radán o radkárán kóhén dard márán man
Kay bekant karámáté ke begept annámán
wáay man ke noh jáhá proshatagén talárán man
Jawrén nárwáyáni didagán na ázárán.…
Pa wati golén chammán kalladhén gobár án man
Zánán zánagon sotkag, zerdón támorán geptag
Pa kayá karár án man, pa kayá békarár án man
Tawlagáni báhóth án pa maná gwamé mennant
Ke cha rédagén wangá proshtagén mazár án man
Dróhetag maná drót o dráhián dórdénán
Sháhmátán shengéntag ke shamoshkár án man
Drad kanán ant parrámi rájay gam jagarborrén
Wáhagay mazár bimmén dradán gomgomár án man
Chammagon mogémáni didagáni hóshént ant
Hoshkenárén kahnigay kórén chammdárá án man
Gáh pa bésarén rájá, gáh pa wáhagá marrén
Rong o rongadhén gálán béredi katárán man
Drégatén bezántén ke deljam o madhádárén,
Nókén rahbandáni kwahnén rahdár án man
Kohgwajén syáhgwát o háray bédh o róhánó
Ranjay grán barén macchay kuppá o bonár án man
Dóshi shakkalén wábá mollá Pázoll on distag
Parchá gál o goptáráni gesed nagwárán man
Dard o mehnet o ranjay bondrén dawárjáh ent
Cha gamán nasárit del, cha delá nasárán man
Pollén dozhmenén bél o kast o kénagén hambal
Drost Sayad maná dóst ant cha eshán zántkár án man
Kalledh o zebárán man, sotkagén dhagár án man
Charetagén báhárán man, ádróhén keshár án man
Nán pa dóstán sitt o nay pa dozhmenán táwán
Cha teláhén barchánká proshtagén sagár án man
Drigatén maná sótkén napt o béréá, dard ent
Dozhmenay dhagáráni pall o shankk o dár án man
Shap tahár o syáhén jodh, ráh mán chill o zhémb o garán
Berr o kórén ólák o pahk ná sawár án man
Chanké gallahay démá zendmáni et rahn ent
Kay gwashit mayárigay! ji mayár bár án man
Manzelá morádáni man rasán hamá róchá
Man bezánán gár ent del, del bezánt gár án man
Dóst o hambalán! mawjén háterá mathóhénet
Gol sestagesh dér ent, ché kanán bahárán man
Shér tawlagén dozzé, pák chó ladigá ent
Turag o shadámán tai pa kayá sepárán man
Marg o zenday sháhá bánok chamman béboná dur ent
Dast bandi o arzán gón kayá gozárán man
Sestagesh chamman Hánol, Hánolén dhagár meskén
Chó kapótá nálán, chón delá bedárán man!
Hars golgolá káyant mehr o dóstiay chammán
Man galán ke wáray taw, taw galay ke wárán man
Dard o mehnatán geptag bédawá o darmánén
Dardwár dokkál ent, parchéá benárán man
Sáh madróhit bézendén, sadhazári ganjé agán
Goddh cha bist o panch sálá grampoká beshárán man
Dránzay pamman béwári zahmá, ke mayárig án
Mehr o dóstiay démá gardená shahárán man
Pattaw sitt ent har diwán pamman biragén táwán
Tá kadén kanán choshén gend o gedárán man
Jwánén hambalé lóthán, pollén hamsaré lóthán
Angat gón tará táchant belle násawár án man
Ges gón gesgelán zehtag chamman sussakán jawrén
Angat kaddhen ent dóstán ke delá mayár án man
“Sar machendh o gahgirán” hál á melán sheng at
Ni nedáragá cháret pa lekem mahár án man
Chammaná beger jostá ke cha moddaté drájén,
Pir o proshtagén jotthay pollén sar mahár án man
Zehtagesh chamman golbág, angat ham mayárig án
Ke delá jagar sommbén konthagány wár án man
Pammaná dawár nabit, pammaná keshár nabit
Ke wati badén ásá sotkagén lewár án man
Hári malletag pammaná dozhmenáni shahmátán
Ke pa béwasi kacchén pir bogán patárán man
Tarr padá ke bélajján dast jatag maná, ke tai
Lajj o gayrat o nangán ke tará tawár án man
Óstay goddhi ótág ent ke angat ham gendán padá
Dráh o zendagén diwán sotkagén dawárán man
Dozhmen et zarah pósh ent taw gón dast o góshánay
Angat pa gwámé mennay “si hazár hazár án man!”
Cha watigán bé óst o cha darámádán ché gelag
Wárén zendmániay zonzorókén járán man,
Byá ke mádénén ráhán sar pa gáriá dátag
Sohrén ródaratkéay rongén ráhé chárán man
Zéd o kahchar o mitáp killagén baháént ant
Sarjanán táhápén kohdar o hasárán man
Bégami pa gamdóstén zerdá margay mestág ent
Dard o dórán sáthán o angarán samárán man
Nán pa killagé sar bán nay pa dozhmenén mallán
Trashtén bándhomán geptag kohdaráni hár án man
Zendon mán zeré sabzén bétawárén chihhálé
Nán ke wazhdelén názénk, nay ke mótk o zár án man
Jenday jámagon dertag, dast mán zanch ent brátay
Angat cha galá bál án, zántkár o sár án man
Garrá pammani námá kalladhén kolóh dátag
“Pa tai summekén réshán morgmésh kárán man
Syáhmár dajit golén dóstá besádháyán
Pa galáyagá jawrén dozhmenay kawár án man
Pa wati jagarbandá shellén kárch timmárán
Pa radán o radkárán kóhén dard márán man
Kay bekant karámáté ke begept annámán
wáay man ke noh jáhá proshatagén talárán man
Jawrén nárwáyáni didagán na ázárán.…
Pa wati golén chammán kalladhén gobár án man
Zánán zánagon sotkag, zerdón támorán geptag
Pa kayá karár án man, pa kayá békarár án man
Tawlagáni báhóth án pa maná gwamé mennant
Ke cha rédagén wangá proshtagén mazár án man
Dróhetag maná drót o dráhián dórdénán
Sháhmátán shengéntag ke shamoshkár án man
Drad kanán ant parrámi rájay gam jagarborrén
Wáhagay mazár bimmén dradán gomgomár án man
Chammagon mogémáni didagáni hóshént ant
Hoshkenárén kahnigay kórén chammdárá án man
Gáh pa bésarén rájá, gáh pa wáhagá marrén
Rong o rongadhén gálán béredi katárán man
Drégatén bezántén ke deljam o madhádárén,
Nókén rahbandáni kwahnén rahdár án man
Kohgwajén syáhgwát o háray bédh o róhánó
Ranjay grán barén macchay kuppá o bonár án man
Dóshi shakkalén wábá mollá Pázoll on distag
Parchá gál o goptáráni gesed nagwárán man
Dard o mehnet o ranjay bondrén dawárjáh ent
Cha gamán nasárit del, cha delá nasárán man
Pollén dozhmenén bél o kast o kénagén hambal
Drost Sayad maná dóst ant cha eshán zántkár án man