Del tahár o zahir kambar, yakk bechilé ázmán
Gozhnagén chammáni ásar, yakk bechilé ázmán
Pa watá déwánagá tai zend sakk ásán kotag
Chanké nód o do kapódar, yakk bechilé ázmán
Shahmit chó durén geróká, hoshk bit nambay wadhá
Zend o marg o pors o sarbar, yakk bechilé ázmán
É zemin káhé ke rostag nawbatay sengi shamé
Kalkashánay tarr o mántarr, yakk bechilé ázmán
Ach tai yádáni kohdémán gwazit, rawt ent kojá
Bazzagén óstáni kótar, yakk bechilé ázmán
Mawjerén wahmáni tandán póshetag donyá Monir
Brahnagén setkáni rahsar, yakk bechilé ázmán