Dastunk

Nazánán cha kojá, Do gál chó wazhbálén morgá, Pa mani zerdá ér nendit, Ke báz bará Man watesh ham nazánán ke ché ant, Bale, É ham ganjé, ke tawesh sarpad bay.

Har sabáhé gón wati nograhén rózhnái o har shapé gón wati jadhakkókén estárán kayt. Bale, do ganók é doénáni ráhá cháragá ant. Yakké pa róchá bétáhir ent o róch nabit. Domi pa shapá zarit o shap nayayt.

Gránbárén goráb shap o róch daryáay narm o názorkén sénagá derrán ant Daryá delá nayárit Bale agán damáné ham daryá wati péshániá krechk bekant, Gorábé pa gwaré talwasit.

Goshant ke kóndháni jágah delay sar ent Bale é gappá na kóndh mannit o na del.