Loading...
Oo mani meskén dhagár! É hónwárén gorkán tará gazal gazal nakortag Balkén É mani jagar ent ke eshán chár gappadhá kortag Ke danigá ham eshiay thapp hamá dhawlá ázag o Hón hamá rangá tázag ant, Ke harwahdá padá yajjáh watá gept kanant.
Man chó hamá mazárbimén warnáyá án ke Dozhmenán pa nágománi gón sabzén sagárán zhand kortag Gón geptagén thappán Mán bé áp o káhén dhákéá kaptag, Jónwár o haptár srápá ant Ke kadi sáhon besedit o shámon bekanant, Bale man áyán goshán Ke émen mabant Makkahén mát dráh bátant Ke angat ham tangahén bacch pédág kanant.
Agan mani rézetagén haddh, bégósht ant, Shomá parchá wati dantán sóhán kortagant, Agan mani ragáni hón hoshtagant Shomá parchá pa eshán haláhósh et?
Yakkéay dast cha mani hónán sohr rang ant O goshit ___________ Man pahk án! Domiá chó tólagá mani turag gón ártán dozzetag O goshit ke _______ man shéré án! Saymiá mani cháderay také bortag o Chammy mani pashká ant O goshit_________ man bráté án! Cháromiay sáheg anchó sárt ent Ke man cha gwahrá drahénagá án.